Хайлтад вебээ оруулах нь | Computer Times

Их уншигдсан (мэдээ)

Их уншигдсан (нийтлэл)

Их уншигдсан (ярилцлага)

Их уншигдсан (тоглоом)

Сайтыг ивээн тэтгэсэн:

Та энд байна: Нүүр

Сэтгүүл

Зөвлөгөө

Хайлтад вебээ оруулах нь

Бичсэн dondog

Tuesday, 2008 оны 08 сарын 26

Асуулт: Би нэг жижигхээн компанитай бөгөөд саяхан нэг аятайхан вэб сайттай болсон юм. Тэгээд хүмүүсээс хайлтын системүүдэд вэбээ оруулах хэрэгтэй гэсэн үг сонслоо. Энэ юу гэсэн үг вэ, бас яаж оруулах вэ? Вэб сайттай болох бол орчин үед их амархан болсон гэдгийг бид бүгд мэддэг, гадарладаг болсон. Хэрхэн вэбтэй болох тухай өмнөх дугааруудад зөндөө л бичиж байсан. Тэгвэл энэ залуугийн асуусан асуулт үнэхээр их ач холбогдолтой ажээ.

Хайлтын системүүдэд вэбээ бүртгүүлэх нь

Google мэтийн хайлтын системүүдэд таны вэб гарч ирэхгүй байгаа бол вэбтэй болсны ч хэрэггүй. Ер нь олон зуун сая вэб хуудас байгаа тохиолдолд хэрэглэгчдийн вэбийг олдог цорын ганц арга бол хайлт хийх явдал шүү дээ. Янз бүрээр хайгаад байхад л вэб чинь гарч ирэхгүй байгаа бол таны вэбэд хэн ч зочлохгүй гэсэн үг.
Иймээс Google, Yahoo мэтийн алдартай хайлтын системүүдийн хайлтын үр дүнд дээгүүр жагсахын тулд вэб сайтууд ёстой л үхэлдэхээс ч буцахгүй тэмцэлддэг. Америкт зарим компанийн вэбийг Google-ийн хайлтын системд гаргахгүй болсноос хэсэг хугацааны дараа үг дуугүй дампуурсан гэж байгаа..!!
Тэгэхээр вэбтэй болсны дараа авах хамгийн чухал алхам бол вэбийнхээ хаяг болон агуулгыг хайлтын системүүдэд бүртгүүлж хайлтад оруулах явдал юм. Ингэхийн тулд хэд хэдэн арга хэрэглэж болох боловч хамгийн энгийн боловч үр дүнтэй нь вэбийнхээ хаягийг шууд илгээх явдал юм. Том хайлтын системүүд нь вэбийн хаяг хүлээж авдаг тусгай үйлчилгээтэй байдаг.

www.google.com/addurl

www.scrubtheweb.com/addurl.html

www.dmoz.org/add.html

docs.yahoo.com/info/suggest

www.altavista.com/addurl/default

search.aol.com/add.adp

Гэхдээ та энэ алхмыг их болгоомжтой хийгээрэй. Олон дахин вэбээ илгээх, утгагүй вэбийг илгээвэл хайлтын систем таныг тэр чигт нь хааж орхино. Яагаад гэвэл тэднийг мангартуулж вэбээ дээгүүрт гаргах гэж зальтай хүмүүс янз бүрийн арга хэрэглэдэг тул хайлтын системийнхэн бас л олон янзын сөрөг арга хэмжээ авсан байдаг. Ер нь хайлтын системүүд дотроос Google нь онцгой өндөр байр суурьтай тул анхаарвал зохино. Бас Google-ын adwords хэмээх үйлчилгээг сонирхоорой. Энэ нь тухайн хайлтын үгэнд таарсан төлбөрт вэбийг онцгойлон харуулдаг үйлчилгээ юм. www.adwords.google.com гэсэн хаяг дээр бий.
Ингэсний эцэст таны вэб сайн хийцтэй, агуулга сайтай бол зочид оволзоод л эхэлнэ гэдэгт бүү эргэлзээрэй. Гол нь таны вэб өөрөө их сайн байх ёстой гэдгийг бүү мартаарай. 1.2.jpg